Terapeutar, brukarar, foreldre, støttekontaktar, assistentar, studentar og andre som treng kunnskap om, og erfaring med, aktivitetshjelpemiddel til bruk på snø for menneske med funksjonshemming.
Mål:
Auka kunnskap om aktivitetshjelpemiddel, slik at aktuelle brukarar i større grad skal få høve til deltaking og aktivitet ved bruk av rett hjelpemiddel.
Auka kunnskap blant studentar om aktivitet for menneske med funksjonshemming.
Gje deltakarane positive opplevingar i samband med aktivitet på snø!
Innhald:
Kort om formidling av aktivitetshjelpemiddel og gjeldande lovverk, ved behov.
Praktisk prøving av hjelpemidla.
Temadagen høver for både ledsagarar og brukarar, både nybyrjarar og for dei med erfaring; kvalifiserte instruktørar hjelper til på det nivået som trengs i skitrekket!
Viss de har konkrete brukarar som skal prøva utstyr, ynskjer me skrifteleg tilvising med aktuelle setemål, samt kartlegging av behovet, slik at leverandør kan ta med det utstyret som passar!
Vidare ynskjer me å gjera avtale om tidspunkt med alle brukarar, slik at det vert minst mogleg venting og best mogleg opplæring!
Terapeutar/ledsagarar må ha med seg eller leiga tenleg skiutstyr.
Brukarar som har eige utstyr, må ta det med for eige bruk og evt. tilpassing!
Det kan vera litt avstand frå parkering til aktivitetsområdet, så ta gjerne med eigen kjelke eller vogn med store hjul om de har!
