Kurset gjer nytilsette teknikarar i kommunen kjend med rutinane for samarbeid med Nav hjelpemiddelsentral, og gjev ei innføring i dei vanlegaste hjelpemidla. Målet er at teknikarane skal få kompetansen dei treng for å jobbe sjølvstendig med oppgåver knytt til hjelpemiddel og tilrettelegging.
Todelt opplæring
Kurset vert gjennomført i to deler. Du må delta på begge delane for å få kurset godkjent.
Fredag 20. mars kl. 11.30-13.00: Teoriopplæring/informasjon via nettmøte på Microsoft Teams.
Tysdag 24. mars kl. 9-14.30: Praktisk opplæring på Nav hjelpemiddelsentral Vestland, Bergen.
Del 1 - Informasjon
Den fyrste delen av opplæringa vert gjennomført som nettkurs i Microsoft Teams og varar i omlag 90 minutt. Her får du ei generell innføring i
ansvarsområda til Nav hjelpemiddelsentral og samarbeidskommunane
bestilling av delar frå delelageret vårt
handtering av uhell med hjelpemiddel
Nettkurs før praktisk del
Før du deltek på den praktiske opplæringa, må du ta kurset Teknikk og hjelpemidler på Kunnskapsbanken.
Kurset tek om lag 15 minutt.
Del 2 - Praktisk opplæring
Den andre delen er praktisk retta, og vert gjennomført i verkstaden på Nav hjelpemiddelsentral Vestland, Bergen. Her får du innføring i dei vanlegaste hjelpemidla vi leverer. Denne praktiske delen varar ein heil arbeidsdag.
Vi går gjennom følgjande tema:
bruk av multimeter
lett innføring i trappeheisar
lett innføring i dørautomatikk
manuelle rullestolar: dekkskift og drivaggregat
takheis: funksjonar og forskjellige produkt
mobile personløftarar
seng: montering og gjennomgang
Målgruppe
Kurset er for nytilsette teknikarar i kommunane i tidlegare Hordaland fylke. Du må bruke den kommunale e-postadressa di når du melder deg på kurset.
Påmeldinga di gjeld både nettmøtet 20. mars og den praktiske opplæringa 24. mars.
Vi sender deg lenke til nettmøtet nokre dagar før det startar.
Til den praktiske opplæringa må du ha vernesko og verneklede. Personar utan vernesko/-klede vil ikkje få tilgang til verkstaden. Dersom du treng å låne vernesko, må du ta kontakt for å gjere avtale med oss på førehand. Vi har nokre vernesko for utlån.
Vi har ikkje kantine, så ta med matpakke til den praktiske delen av opplæringa.
Teknikarar som har tatt grunnkurs frå Nav hjelpemiddelsentral Vestland tidlegare, kan ikkje delta på nytt.
Ubemanna resepsjon
Ver merksam på at resepsjonen vår er ubemanna. Du registrerer deg på sjølvbetent løysing når du kjem til hjelpemiddelsentralen. Bruk menyvalet "Eg skal på kurs" når du registrerer deg.
Transport og parkering
Nav hjelpemiddelsentral Vestland har avgrensa plass til parkering, og besøkande kan dessverre oppleve at det ikkje er ledige plassar på området. Vi oppmodar kursdeltakarar om å køyre saman eller nytte offentleg transport.
