Kurset gjev ei innføring i dei ulike moglegheitene i Grid 3, i tillegg til at du får jobba med eige brukarprogram. For å få mest mogleg utbytte av kurset, er det svært verdifullt at heile gruppa rundt brukaren er samla.
Første del av kurset gjev ei innføring i kva oppsett som finst i Grid 3, og moglegheiter for tilpassing for den enkelte brukaren.
I den andre delen jobbar deltakarane med eige kommunikasjonsoppsett i Grid 3. Med kunnskap og ekspertise i Grid 3 er formålet å gje inspirasjon til å tilpasse maskina til kvar enkelt brukar.
Lenke til opplæringsvideoen "Innføring i Grid 3".
Målgruppe
Kurset er for fagpersonar og pårørande med direkte opplærings- og oppfølgingsansvar rundt hjelpemiddelet.
Praktisk informasjon
Deltakarane må ta med eigen PC eller Grid-maskin med oppdatert programvare Grid 3.
Ta med niste. Vi serverer kaffi og te.
Transport og parkering
NAV Hjelpemiddelsentral Vestland har avgrensa plass til parkering, og besøkande kan dessverre oppleve at det ikkje er ledige plassar på området. Vi oppmodar kursdeltakarar om å køyre saman, eller bruke offentleg transport.
