Om kurset
Vinteraktivitetsdag er ein dag der brukarar kan prøve vinteraktivitetsutstyr i skibakken og/eller få opplæring i bruk av utlevert utstyr. Ta med ditt eige utstyr, eller kom og prøv!
Vi arrangerer vinteraktivitetsdag både 4. og 5. februar, og du melder deg på ein av dagane.
Alle som skal delta må på førehand avtale med sin ergo-/fysioterapeut kva ein har behov for av utstyr og tilpassingar.
Send tilvising når du melder deg på
Det må sendast tilvising til hjelpemiddelsentralen i tillegg til påmelding på kurset. I tilvisinga må det komme fram:
kva for utstyr brukaren ønsker å prøve
brukaren sitt funksjonsnivå og ambisjonsnivå
setemål og behov for støtte
om brukaren har erfaring med vinteraktivitetshjelpemiddel
om brukaren skal ha med eige utstyr
kontaktinformasjon til brukaren (telefonnummer og e-postadresse)
Det er mogleg å skrive opp kva tidspunkt ein ønsker utprøving. Brukarane blir sette opp på tidspunkt, for å begrense ventetida.
Målgruppe
Aktivitetsdagane er for brukarar, ledsagarar, foreldre, ergo- og fysioterapeutar og andre som treng kunnskap om og erfaring med aktivitetshjelpemiddel til bruk på snø for personar med nedsett funksjonsevne.
Alle må ha med ledsagar, også om ein skal køyre sitski utan ledsagarbøyle.
Det er kun brukarar som skal melde seg på kurset. Ledsagar og terapeut skal ikke melde seg på, men bli med utan påmelding.
Utstyr
Ledsagar tek med eller leiger eige utstyr. Hjelm kan lånast i skitrekket.
Deltakarar som har eige utstyr, tek det med for eige bruk og ev. tilpassing.
Praktisk informasjon
Alle må ta med eigen mat og drikke. Det er mogleg å kjøpe varm drikke og anna i varmestova.
Skikort til brukar og ein ledsagar er inkludert.
Det er tilgjengelig handicaptoalett i skianlegget.
Det kan bli endringar dersom få deltakarar melder seg på arrangementet.
